WAILUKU, Maui- Nabara ti panangsarabo ti Maui County Council iti ibibisita ni Ilocos Norte Governor Michael Keon iti Maui, Hawaii idi bigat ti Hunio 26, 2009.
Daytoy ti kaunaan a panagbisita ni Keon iti Maui sipud nagtugaw a kas Gobernador ti Ilocos Norte. Kuna ni County Council Chairman Danny Mateo a ti probinsia ti Ilocos Norte iti kaaduan ti bilang dagiti Filipinos/Ilocanos iti Hawaii.
Makitaripnong pay ni Keon kadagiti miembros ti council chambers ti Maui iti oras ti alas-dies ti bigat ti Biernes, ken agatendaran iti aloha reception iti oras ti alas-sais ti malem iti Paina Building iti Maui Community College.
Kadua ni Gob. Keon a nagbisita iti Maui ti agarup 41 a katao, karaman dagiti miembros ti Sanguniang Pangkakawigan, ken sumagmamano a mayor ti Ilocos Norte. Agpaut ti kaadda ti grupo ni Gob. Keon agingga no Hulio 2, 2009.***
__________________________
No comments:
Post a Comment