NAINGATO TI BANDERA TI FILIPINAS ITI KALANA O MAUI
A PANGLAGIP TI BULAN TI OKTUBRE A KAS FILIPINO-AMERICAN HISTORY MONTH
MAUI--Rinambakan ti Maui Filipino Chamber of Commerce [MFCC] idi
Oktubre 3, 2o22 ti rugi ti Filipino-American History Month
babaen iti Flag Ceremony. Naingato ken naiwagayway ti bandera
ti Filipinas iti sango ti Kalana O Maui Building
a mangipasimudaag ti bulan ti Oktubre a kas Maui
County Filipino Community and Heritage, malagip ti pakasaritaan
dagiti sakada, ken ti panangrambak ti diversity wenno
kinasabalisabali/kinadumaduma ken kultura no apay uniko
ken naisangsangayan ti County ti Maui.
Ni Maui Mayor Mike Vitctorino ti nangidaulo
ti pannakalukat ti selebrasion ken nangipresentar
ti proklamasion kadagiti pannakabagi iti opisial ti military
ti Filipino-American iti komunidad ken nangdayaw kadakuada
ti sakprisio nga impaayda iti Maui.
[nabulod dagiti ladawan a nausar iti Maui Photos]
No comments:
Post a Comment