Showing posts with label Filipino Fiesta. Show all posts
Showing posts with label Filipino Fiesta. Show all posts

May 5, 2025

Ti Barrio Fiesta ken Ti Fundador



MAANGAY ti Maika-56 nga Anibersario ti Barrio Fiesta iti Maui no
Mayo 24-25, 2o25 iti Binhi at Ani Filipino Community Center,
780 Onehee Street, Kahului, HI 96732.

Ngem asino daytoy NANCY ANDRESS? Wen, isu ti fundador
ti Barrio Fiesta iti Maui. Ni Nancy ti nangirugi ken nangisungsong
daytoy a pasken iti Maui idi Mayo 31, 197o. Gapu kenkuana,
nagyaman ti sibubukel a komunidad ti Filipino iti Maui iti liderato
nga impaayna gapu ti panangyasidegna, no di pay ket pinagkaykaysana
dagiti Filipino tapno maitandudo ken mapagtalinaed [mapreserba]
ti nabaknang a kultura [dagiti Filipino] iti Maui.
.
.
.
.
.
TI BARRIO FIESTA KEN TI FUNDADOR
Rudy Ram. Rumbaoa
wwwdagitikappurosadamdamagitihawaii.blogspot.com

[nabulod ti ladawan a nausar ken ni Alfredo G. Evangelista]



May 14, 2024

Taldiap: Ket wen uray ditoy Hawaii, adda met bukod a programa iti telebision dagiti Filipino idi un-unana a tiempo...



Taldiap:
Ket wen uray ditoy Hawaii, adda met bukod a programa iti telebision dagiti Filipino idi un-unana a tiempo...

Agbuybuyan dagiti lokal Hawaiian iti telebision kadagidi a tiempo, tawen ti 1950 agingga iti 1980's a naawagan ti "The Filipino Fiesta." Maysa nga ehemplo ti programa a nakaiparang iti kultura ni Filipino ken nangisungsong ken nagpasurot kadagiti dadduma pay a puli iti Hawaii a nagipabuya met ti bukodda a tradision ken kultura iti Hawaiian tv programming.


Ngem kasano a nangrugi ti Filipino Fiesta?

Ni Faustino Alejandro Respicio ti fundador, nangisungsong ken nakapanunot ti "Filipino Fiesta" a programa iti telebision, saan laeng a pangparay-aw kadagiti agbuybuya ngem maysa daytoy a nangbangon iti kinaasino, kinasirib, kaadda ti talento, dignidad, aramid ken panangapresiar iti kultura ni Filipino immigrants.

Adu kadaydi a tiempo-- ububbing ken agtutubo ti simmurusurot a dimmakkel ken nangtapaya iti panagdur-as ti nasao a programa ken masmasdaaw nga agbuya kadagiti paborito a banda tunggal Domingo gapu't laingda nga agtokar.

Nangrugi ti "Filipino Fiesta" iti radio, sangapulo ket uppat a tawen sakbay nga aktual a naipabuya iti telebision idi 1953, a nangted met ti liwliwa, ray-aw ken pakaragsakan dagiti rinibu a Filipino a mangmangged iti kaunasan ken kapinyaan a nakabati kadagiti familiada iti Filipinas.

Nagpada a nay-ere iti radio ken telebision ti agdua ribu a pabuya [shows] iti isu met la nga oras tapno dagiti saan a makabuya, mangngeda latta ti tunggal episodo ti programa iti radio. Nasurok tallopullo ket tallo a tawen a nagserbi ken nangngegan ti nasao a programa iti komunidad, saan la a Filipino no di pay ket dagiti sabsabali a puli.

Kapilitan a nagngudo ti nasao a programa idi tawen 1986 gapu't panagsalog ti salun-at ni Respicio.

No adda man saan a malipatan dagiti ka-Filipinoan a pagsasao ni Respicio sakbay nga adda yam-ammona iti programa isu ti "Take it away!
.
.
.
.
.
Taldiap
Rudy Ram. Rumbaoa
dagitikappurosadamdamagitihawaii.blogspot.com

[nabulod ti ladawan a nausar iti Hawaii's Plantation Village]